الشّوق الشّوق الشّوق

الشّوق
هموم

ما كل مخلوقٍ على الأرض مرتاح
وما كل شخصٍ حصّل اللي تمنّى
ناسٍ بكَت من سبّة أحزان وجْراح
كلّن على ليلاه يا طير غنّى
يا طير تكفى قل متى الهمّ ينزاح؟
من يوم رحت وخاطري ما تهنّى
مهلاً ترى شوقي لِشوفتْك ذبّاح
والهمّ في بُعدك من اسمي تدنّى
الشّوق يا طاير ترى صدْق فضّاح
ارحم خفوقٍ لاجل شوفك تعنّى
وامسى يعدّ الشعْر بدْموع ونْياح
يستعرض بحزنه لك أنواع فنّا
وحيد يبكي والحزِن منْه ما راح
يتيم يشكي .. ليت قلبك تبنّى
لا صار موعد رجعِتِك هات الأفراح
وْعَطْني بعد رجْعَتْك يا طير .. رنّا
با جيك كلّي فرحةٍ فيك يا صاح
واقلب لك الدنيا بِجَيّتْك جنّى